മുവാറ്റുപുഴയിൽ അദ്ധ്യാപകദിനാഘോഷം
muvattupuzhavartha 
മുവാറ്റുപുഴ: എറണാകുളം റവന്യൂ ജില്ലാ തല അധ്യാപക ദിനാഘോഷം അഞ്ചിന് മൂവാറ്റുപുഴയിൽ നടക്കും.രാവിലെ 10.30ന് എസ്.എന്‍. എച്ച്.എസ്.എസ്. ഓഡിറ്റോറിയത്തില്‍ നടക്കുന്ന പരിപാടി ഡോ.മാത്യു കുഴല്‍നാടന്‍ എംഎല്‍എ ഉദ്‌ഘാടനം ചെയ്യും. മുവാറ്റുപുഴ നഗരസഭാ ചെയർമാൻ പി.പി. എൽദോസ് അധ്യക്ഷത വഹിക്കും. കൊച്ചിൻ യൂണിവേഴ്സിറ്റി ഓഫ് സയൻസ് ആൻഡ് ടെക്നോളജി രജിസ്ട്രർ ഡോ.ശിവാനന്ദൻ ആചാരി മുഖ്യ പ്രഭാഷണം നടത്തും. ജനപ്രതിനിധികൾ,വിദ്യാഭ്യാസ ഉപ ഡയറക്‌ടര്‍ ഹണി ജി.അലക്സാണ്ടർ, വകുപ്പ് മേധാവികൾ തുടങ്ങിയവർ പങ്കെടുക്കും.പരിപാടിയുടെ നടത്തിനായി എംപിമാരായ ഡീൻ കുര്യാക്കോസ്,ഹൈബി ഈഡൻ,ബെന്നി ബഹനാൻ,
ഫ്രാൻസിസ് ജോർജ്,എംഎല്‍എമാർ,ജില്ലാ പഞ്ചായത്ത് പ്രസിഡൻറ്
മനോജ് മൂത്തേടൻ എന്നിവർ രക്ഷാധികാരികളായും ഡോ.മാത്യു കുഴല്‍നാടന്‍ എംഎല്‍എ
ചെയർമാനായും മുവാറ്റുപുഴ നഗരസഭാ ചെയർമാൻ പി.പി. എൽദോസ് വൈസ് ചെയർമാനായും വിദ്യാഭ്യാസ ഉപ ഡയറക്‌ടര്‍
ഹണി ജി. അലക്സാണ്ടർ ജനറൽ കൺവീനറായും മുവാറ്റുപുഴ ഡിഇഒ ആർ.സുമ
ട്രഷററായും സ്വാഗത സംഘം രൂപീകരിച്ചു.മുവാറ്റുപുഴ നഗരസഭാ കൗൺസിലർമാർ ചെയർമാന്മാരായും അധ്യാപക സംഘടനാ പ്രതിനിധികൾ കൺവീനർമാരായും വിവിധ കമ്മിറ്റികളും രൂപീകരിച്ചു.യോഗത്തിൽ
മുവാറ്റുപുഴ നഗരസഭ സ്ഥിരം സമിതി അധ്യക്ഷ നിസ അഷറഫ്,നഗരസഭ അംഗം ജിനു ആന്റണി,എഇഒമാരായ ബോബി ജോർജ്, ജീജ വിജയൻ,എസ്.എൻ.എച്ച്.എസ്.എസ്. മാനേജർ നാരായണൻ തുടങ്ങിയവർ പ്രസംഗിച്ചു.
